Բելառուսն ու Ռուսաստանը պատրաստ են ապահովել իրենց ռազմական անվտանգությունն իրենց տրամադրության տակ գտնվող բոլոր հնարավոր միջոցներով: Ինչպես տեղեկացնում է ITAR-TASS-ը, այս մասին հայտարարել է Բելառուսի նախագահ Ալեքսանդր Լուկաշենկոն երկրի անկախության օրվան նվիրված ռազմական շքերթի ժամանակ:
«Մենք իրականացնում ենք ռազմական շինարարություն` ուղղված Միության պետության պաշտպանական ներուժի հզորացմանը: Հաջողությամբ գործում է Ռուսաստանի ու Բելառուսի միջև ռազմական միավորումը: Օդային սահմանների հսկողությհան համար ստեղծվել է ՀՀՊ-ների միասնական համակարգ»,- ասել է Լուկաշենկոն:
Նրա խոսքով` «աշխարհը մշատապես փոփոխվում է»: «Այդ պայմաններում Բելառուսը միջոցներ է ձեռնարկում երկրի պաշտպանության համակարգը արդյունավետորեն բարձրացնելու, ամբողջականությունը պահպանելու ու 21-րդ դարի մարտահրավերներին դիմակայելու համար»,- հայտարարել է նա: