Ռուսաստանում Իրանի դեսպան Սեյեդ Ռեզա Սաջադին հայտարարել է, որ Իրանն ու Ռուսաստանը անում են ամեն հնարավորը ղարաբաղյան հակամարտությունը կարգավորման համար,- հաղորդում է Regnum-ը:
«Մենք փորձում ենք լավ հարաբերություններ ունենալ մեր յուրաքանչյուր հարևանի հետ: Մենք, ինչպես և Ռուսաստանը, անում ենք հնարավորը Հայաստանի և Ադրբեջանի միջև առկա խնդիրները լուծելու համար:
Նախկինում եղել են դեպքեր, երբ մեր հարևանները միջնորդության խնդրանքով դիմել են մեզ, ու մենք արել ենք հնարավորը: Ներկայումս մենք, և՛ առանձին, և՛ ՌԴ-ի ու Թուրքիայի մասնակցությամբ, ձգտում ենք օգնել մեր հարևաններին»,- ասել է դեսպանը։
