Грузия Online-ի փոխանցմամբ՝ ԱՄՆ կառավարությունը ֆինանսավորելու է ամերիկյան երկու ինստիտուտի՝ Վրաստանում ազատ ու արդար նախընտրական միջավայրի ձևավորմանն աջակցելու համար: Խոսքը Միջազգային հանրապետական ինստիտուտի (IRI) ու Ազգային ժողովրդավարական ինստիտուտի (NDI) մասին է:
Այս մասին այսօր տեղի ունեցած մամուլի ասուլիսի ժամանակ հայտարարել է Վրաստանում ԱՄՆ դեսպան Ջոն Բասսը: Վերջինիս խոսքերով՝ ԱՄՆ-ը մոտ երկու միլիոն դոլար է հատկացնելու այդ կազմակերպություններին, որոնք նախընտրական շրջանում մոնիթորինգ են անցկացնելու Վրաստանում:
Այդ նպատակով հուլիսից մինչև հոկտեմբեր Վրաստան են ժամանելու NDI-ի 3 և IRI-ի 2 դիտորդական առաքելություններ: Ընտրությունների օրը NDI-ը Վրաստան կգործուղի հավելյալ 20, իսկ IRI-ն՝ 30 դիտորդներ: