Վրացական «Կվելա սիահլե» թերթի փոխանցմամբ՝ Թբիլիսիի ամենահայտնի վարսավիրանոցներից մեկ ցանկանում են անվանափոխել՝ նրա «ընդդիմադիր» անվան պատճառով: Խոսքը Թբիլիսիի կենտրոնում ընկած Ազատության հրապարկի «Օցենբա» (Երազանք) գեղեցկության սրահի մասին է:
Նշվում է, որ տեղական իշխանությունների ներկայացուցիչներն այցելել են գեղեցկության սրահ և հայտարարել, որ իրենք սրահի անվանումը կապակցում են ընդդիմադիր միլիարդատեր Բիձինա Իվանիշվիլիի գլխավորած «Վրացական երազանք» քաղաքական կոալիցիայի անվան հետ:
Սակայն սրահի տերերը հրաժարվում են անվանափոխություն անել՝ ընդգծելով, որ արդեն բազում տարիներ է, ինչ սրահը գործում է այդ անվամբ:
