Պենտագոնի պատմության մեջ առաջին միջոցառումը՝ նվիրված ոչ ավանդաակն սեռական կողմնորոշում ունեցող զինվորականներին, անցել է լիրիկական ալիքով, նրանց համար առավել դժվար ժամանակների մասին հիշողություններով, և բոլոր ներկաներին դուր է եկել:
«Դեռ երեք տարի առաջ մեզանից շատերին, այդ թվում՝ և ինձ, դժվար էր պատկերացնել, որ 2012 թ. զինված ուժերում ծառայող հոմոսեքսուալները և լեսբուհիները կկարողանան ազնիվ խոսել իրենց սեռական կողմնորոշման մասին»,- հավաքվածներին դիմել է Պենտագորնի ներկայացուցիչ Ջեյ Ջոնսոնը:
Նրա ելույթին նախորդել են երկրի նախագահ Բարաք Օբամայի և պաշտպանության նախարար Լեոն Պանետայի ուղերձները:
Ջոնսոնը նշել է, որ օրենիքի ճիշտ և աստիճանական կիրառումը, որը թույլ էր տալիս զինվորականներին, առանց վախենալու, բացահայտել իրենց սեռական կողմնորոշումը, ի չիք են դարձրել նոր կանոններ ներմուծելու ռիսկերը:
Այնուամենայնիվ, հաղորդվում է, որ Պենտագնի որոշ բարձրաստիճան ներկայացուցիչներ խանդավառությամբ չեն ընդունել Պենտագոնում նման միջոցառում անցկացնելու գաղափարը և ներկա չեն եղել դրան:
2010 թ. դեկտեմբերի վերջին ԱՄՆ նախագահ Բարաք Օբաման պատմական օրենք ստորագրեց, որով չեղյալ էր համարվում Բիլ Քլինթոնի կողմից ստորագրված Don’t Ask Don’t Tell («Մի՛ հարցրու, մի՛ ասա») օրենքը: Վերջինիս էությունն այն էր, որ միասեռականներին թույլատրվում էր ծառայել բանակում, բայց արգելվում էր բացահայտել իրենց սեռական կողմնորոշումը:
