Իրանական Mehr News լրատվական գործակալության փոխանցմամբ՝ Իրանի ԱԳՆ-ի պաշտոնական ներկայացուցիչ Ռամին Մեհմանպարաստն այսօր տեղի ունեցած ճեպազրույցի ժամանակ մեկնաբանել է Ադրբեջանում Իրանի դեսպան Մուհամեդբաղիր Բահրամիի վերադարձը Բաքու.
«Բահրամին խորհրդակցության նպատակով հետ էր կանչվել Ադրբեջանից՝ կապված այդ երկրում կրոնական արժեքները (Իրանի հոգևոր առաջնորդ) վիրավորելու հետ: Այդ ընթացքում պաշտոնական Բաքուն իր դիրքորոշումն է հայտնել տվյալ խնդրի շուրջ, որում բացակայում էր վիրավորական գործողություններին աջակցելը:
Մենք ևս մեկ անգամ հաստատում ենք, որ դա ունի մեծ նշանակություն: Մենք ոչ կերպ մտադիր չենք հանդուրժել մեր կրոնական արժեքները վիրավորելը»:
Հիշեցնենք, որ Բահրամին երեկ է վերադարձել Բաքու, որը լքել էր մոտ մեկ ամիս առաջ:
