Եվրամիությունը ցանկանում է աջակցել ու ամրապնդել ներդաշնակ հարաբերությունները Թուրքմենստանի հետ: Ինչպես հաղորդում է Trend գործակալությունը, այս մասին նշվում է Թուրքմենստանի նախագահ Գուրբանգուլի Բերդիմուհամեդին Եվրահանձնաժողովի նախագահ Ժոզե Մանուել Բառոզուի ու ԵՄ նախագահ Հերման Վան Ռոմպեյի գրած նամակում:
«Եվրամիությունը, ցանկանալով աջակցել ու ամրապնդել ներդաշնակ հարաբերությունները Թուրքմենստանի ու Եվրամիության միջև, որոշել է Աուրելիո Բուշեզին նշանակել Թուրքմենստանում ԵՄ պատվիրակության ղեկավար»,- ասված է ուղերձում:
Թուրքմենական կառավարության հաղորդման համաձայն` թուրքմեն ղեկավարը նախօրեին Աշխաբադում Բուշեզից ընդունել է հավատարմագրերը:
Հանդիպամանը նշվել է, որ ԵՄ-ն «իրապես հետաքրքրված է Թուրքմենստանի հետ երկարաժամկետ, արդյունավետ երկխոսության ընդլայնմամբ , որն այսօր առանցքային դիրքեր ունի Միջինասիական տարածաշրջանում ու կառուցողական մոտեցումներ է ցուցաբերում տարածաշրջանային արդյունավետ մոդելի կառուցման նկատմամբ»:
Բերդիմուհամեդովը նկատել է, որ ԵՄ-ի հետ ավանդական հարաբերությունների ամրապնդումը երկրի արտաքին քաղաքականության կարևորագույն տեսանկյուններից մեկն է:
