Սիրիական ապստամբների անջատ խմբերը, որոնք պայքարում են Բաշար Ասադի վարչակարգի դեմ, վերջին ամիսներին սկսել են համակարգել իրենց գործողությունները և ձեռք բերել միասնական կառույցի ձևեր: Այս մասին, ինչպես գրում է Lenta.ru-ն, նշվում է Սիրիայի իրադրության վերաբերյալ զեկույցում, որը նախապատրաստել է Պատերազմներ հետազոտող ամերիկյան ինստիտուտը:
Հետազոտության հեղինակները հաստատում են, որ ծայրամասերի մակարդակով ապստամբների մոտ ի հայտ են եկել զորքերը կառավարող «պատասխանատու» մարմիններ (զինվորական խորհուրդներ): Ծայրամասային զինվորական խորհուրդները, սակայն, դեռ գործում են անջատ-անջատ, իսկ «Սիրիայի ազատ բանակ»–ը դա միայն նրանց ընդհանուր անվանումն է, այլ ոչ թե իրական միասնական ռազմական կառույցի:
«Կենսունակ» զինվորական խորհուրդներ արդեն ի հայտ են եկել և արդյունավետ գործում են Հոմս, Համա, Իդլիբ, Դարա ծայրամասերում ինչպես նաև՝ Դամասկոսում և արվարձաններում:
Պատերազմներ հետազոտող ինստիտուտի տվյալներով՝ կազմակերպման մակարդակի աճի շնորհիվ իրենց գործողությունները համակարգելու ունկության և արտասահմանից օգնության շնորհիվ ապստամբներին արդեն հաջողվել է իրենց վերահսկողության տակ վերցնել մեծ տարածքներ Հոմսի շրջակայքում, Համայից հյուսիս, Իդլիբում:
«Բաշար Ասադի վարչակարգը մեծածավալ հարձակվողական օպերացիաներ անցկացնելու համար բավարար ուժեր չունի: Նման օպերացիա իրականացնելու համար անհրաժեշտ կլինի հավաքել բոլոր ուժերը, իսկ դա կնշանակի վտանգի տակ դնել կարևոր բնակավայրերի վերահսկողությունը»,- գրում են հետազոտության հեղինակները:
Նրանց տեղեկությունների համաձայն՝ «Սիրիայի ազատ բանակի» զինյալների թիվը մայիսին հասել է 40 հազարի և դեռ շարունակում է աճել: Դրա հետ մեկտեղ աճում է այն տարածքների թիվը, որտեղ չկա կառավարական ուժերի ներկայություն: Նշված ինստիտուտի մասնագետները վստահ են, որ մոտ ապագայում ընդդիմությունն իր վերահսկողության տակ կառնի երկրի տարածքի կեսից ավելին:
