Եգիպտոսի ԱԳՆ ղեկավար Մուհամմեդ Ամրուն բանակցել է իր արտասահմանյան գործընկերների հետ, որոնց քննադատել է երկրում ընտրական գործընթացի վերաբերյալ հնչեցրած հայտարարությունների պատճառով: Այս մասին կիրակի օրը հայտարարել է «Ալ-Ահրամ» թերթը:
«Նման հայտարարությունները կարող են բացասական ազդեցություն ունենալ ժողովրդավարական անցումային գործընթացի վրա և անցանկալի միջամտություն են Եգիպտոսի ներքին գործերին»,- ասել է Ամրուն:
Ավելի վաղ ԱՄՆ պետքարտուղար Հիլարի Քլինթոնը քննադատել էր Եգիպտոսի իշխանության գլուխ կանգնած զինված ուժերի Բարձրագույն խորհրդին և կոչ էր արել ինչքան հնարավոր է շուտ իշխանությունը հանձնել քաղաքացիական ղեկավարությանը: Իսկ Թուրքիայի վարչապետ Ռեջեփ Թայիփ Էրդողանը, իր հերթին, կոչ էր արել իշխանությունը փոխանցել «Մուսուլման եղբայրների» թեկնածուին, ով, ըստ նրա, հաղթել է նախագահական ընտրություններում:
Հիշեցնենք, որ կիրակի օրը Եգիպտոսում հայտարարվելու է նախագահական ընտրությունների երկրորդ փուլի հաղթողի անունը:
