Այսօր Թուրքիայի ԱԳՆ ղեկավար Ահմեդ Դավութօղլուի և հատուկ ծառայությունների ղեկավարության ու ռազմական հրամանատարության կողմից քննարկվել են Անկարայի հետագա հավանական գործողություններն այն բանից հետո, երբ սիրիական հակահրթիռային պաշտպանության համակարգերը խփել էին թուրքական կործանիչին: Արտահերթ խորհրդակցությունը տևել է երկու ժամ, որտեղ քննարկվել են նաև ռազմական ինքնաթիռի անձնակազմի որոնողական աշխատանքների կազմակերպման հարցերը:
Թուրքիայի նախագահ Աբդուլլահ Գյուլը խոստացել է պարզել պատահարի բոլոր պատճառները:
Իրաքի ԱԳՆ ղեկավար Խոշիյար Զիբարին դրա հետ մեկտեղ զգուշացրել է, որ պատահարը կարող է հեռուն գնացող հետևանքներ ունենալ:
«Այն, որ թուրքական կործանիչն ընկել է սիրիական տարածքային ջրերում լուրջ ազդանշան է, որ կոնֆլիկտը ավելի լուրջ հետևանքներ կարող է ունենալ և՝ ոչ միայն Սիրիայի համար»,- ասել է նա:
