Ինչպես գրվել է Wired ամսագրում, Facebook-ը վերածվում է ինտիմ ծառայությունների մատուցման ամենամեծ կայքի: Գիտնականների ուսումնասիրությունները ցույց են տվել, որ մարմնավաճառների 87%-ն արդեն ներկայացված է այս ցանցում:
Ուսումնասիրությունը կատարել է Կոլումբիայի համալսարանի պրոֆեսոր Սուդիր Վենքաթեշը, որը պնդում է, թե անհատական հայտարարությունների Craigslist կայքի փակումից հետո, «մեծերի» ծառայությունները տեղափոխվել են սոցիալական ցանցեր:
Վենքաթեշի կարծիքով, հիմա մարդիկ լավ ժամանակ անցկացնելու համար չեն ընկնում փողոցներով, այլ ընդամենը մտնում են Facebook, որտեղ կգնեն այն, ինչ ցանկանում են:
Գիտնականի ուսումնասիրության համաձայն` Facebook-ի արդյունավետությունը մարմնավաճառների համար կազմել է 25%, մինչդեռ Craiglist-ում այն 3% էր: Բացի այդ, «հին մասնագիտության» տեր կանայք Facebook-ի միջոցով կարողանում են խուսափել «միջնորդներից», հետևաբար ավելի շատ գումար աշխատել:
