«Ռուսաստանի համար մոտ բարեկամներ» համարվող երկրների շարքում առաջին տեղում Բելառուսն է (34%), հետո Ղազախստանը (28%), Գերմանիան (17%), Չինաստանը (16%) և Ուկրաինան (13%):
Ինչպես հաղորդում է Rosbalt գործակալությունը, նման եզրակացություն է արվել «Լևադա ցենտրի» անցկացրած հետազոտության արդյունքում:
Ուշագրավ է, որ Գերմանիան միակ արևմտյան երկիրն է, որը զգալի թվով ռուսների կողմից դիտվում է որպես բարեկամ և դաշնակից երկիր:
Պատասխանելով այն հարցին՝ «Ինչպե՞ս եք ընդհանուր առմամբ վերաբերվում Եվրամիությանը», 4%-ը պատասխանել է «շատ լավ», 16%-ը՝ «հիմնականում վատ», 2%-ը՝ «շատ վատ», 17%-ը դժվարացել է պատասխանել:
Այն հարցին, թե «ի՞նչ եք կարծում, այժմ Ռուսաստանին պե՞տք է ամրապնդել կապերն արևմուտքի հետ, թե՞ հեռանալ նրանից», 76%-ն արտահայտվել է փոխադարձ կապը պահպանելու օգտին և միայն 12%-ը՝ հեռանալու:
Հարցումն անցկացվել է 18 տարեկանից բարձր 1604 մարդկանց շրջանում, երկրի 45 բնակավայրերում:
