Վրաստանի ազգային օլիմպիական կոմիտեում ուսումնասիրվում են նոր բացահայտված փաստեր` կապված 2010-ին Վանկուվերում կայացած օլիմպիական խաղերի ժամանակ վրացի սահնակորդ Նոդար Կումարիտաշվիլիի ողբերգական մահվան հետ, հաղորդում է ПИК հեռուստաընկերությունը:
Տեղեկություն է տարածվել, որ օլիմպիական խաղերի համար կառուցված սառցուղու` ընդունված չափանիշներին չհամապատասխանելու մասին միջազգային օլիմպիական կոմիտեն բազմիցս ահազանգել է կազմակերպիչներին, սակայն անհրաժեշտ փոփոխություններ չեն արվել:
Վրացական կողմը նշում է, որ տեղեկության հաստատվելու դեպքում իրենք պաշտոնական մեկնաբանություններ են պահանջելու: Չի բացառվում, որ մարզիկի մահվան հանգամանքների հետաքննության պահանջ առաջանա:
Հիշեցնենք, որ Նոդար Կումարիտաշվիլին զոհվել էր անցած տարվա փետրվարի 12-ին, խաղերին նախորդող մարզումների ժամանակ:
