Վանո Սիրադեղյանը իր հրապարակախոսական ելույթներով կուղղորդի: Այս մասին «Առաջին լրատվական»-ի հետ զրույցում ասաց «Ելք» ֆեյսբուքյան նախաձեռնությանը միացած գրող Հուսիկ Արան:
Ըստ նրա՝ Վանո Սիրադեղյանին վերադարձնելու պահանջն այսօր չէ, որ առաջացել է, պարբերաբար այդ պահանջը եղել է հասարակության շրջանում: Սակայն, նրա կարծիքով, մարդիկ պայքարում են գրող, հրապարակախոս Վանո Սիրադեղյանին վերադարձնելու համար, որի համար և իր ստորագրությունն է տվել: «Ես չեմ ուզում առնչվել նրա քաղաքական անցյալին, դա ինձ հիմա բնավ չի հուզում: Որպես գրող՝ ինձ հուզում է գրող հրապարակախոս Վանոն: Ե՛վ 15 տարի առաջ, և՛ այսօր ցանկանում եմ նրա վերադարձը, դա նոր պահանջ չէ, պարզապես այսօր այդ պահանջը փոքր-ինչ սրվել է»,- տեսակետ հայտնեց Հուսիկ Արան:
Գրողն այն կարծիքին է, որ եթե նույնիսկ Վանո Սիրադեղյանը մեղք է գործել, քավել է իր մեղքը՝ վտարանդի ապրելով: Նրա համոզմամբ՝ եթե անգամ քաղաքական անցյալ ենք վերադառնում, քաղաքականության մեջ կարող է և սխալվել, թեև ընդգծեց, թե չի կարող դա ասել:
«Ես կողմ եմ, որ նա լինի մեզ հետ և մեր կողքին: Այսօրվա քաղաքական դաշտի համար չեմ կարծում, թե Վանո Սիրդեղյանը վտանգ է ներկայացնում: Նա իր հրապարակախոսական ելույթներով ավելի կուղղորդի մեզ»,- ասաց Հուսիկ Արան:
