Կամբոջան արտաքսել է մանկապղծության մեջ մեղադրվող «Միսս Ռուսաստան» մրցույթի փոխնախագահին:
Ինչպես ITAR-TASS-ին հայտնել է ՌԴ ՆԳՆ «Ինտերպոլի» Ազգային կենտրոնական բյուրոյի ներկայացուցիչը, այսօր ռուսական բյուրոյի ուղեկցությամբ Պնոմպենից արտքասվել է 45-ամյա ռուս Ստանիսլավ Մոլոդյակովը:
Ազգային կենտրոնական բյուրոյի տեղեկություններով` նա թաքնվել է ռուսական իրավապահ մարմիններից Ալեքսանդր Տրոֆիմով անվան տակ:
Ռուսաստանում նա մեղադրվում է ՌԴ Քրեական օրենսգրքի 132-րդ հոդվածի 3-րդ մասի հատկանիշներով, այն է` «Սեքսուալ բնույթի գործողությունների դիմելը»:
Իրավապահ մարմինների տվյալներով` 2004թ. ապրիլի 18-ին Մոլոդյակովը (շինարարական նյութերի առևտրով զբաղվող գործարար, «Միսս Ռուսաստան» մրցույթի նախկին փոխնախարար) խաբեությամբ ավտոմեքենա է նստեցրել երեք անչափահաս աղջիկների, բերել է Մերձմոսկովյան շրջանում գտնվող իր տուն ու սպառնալով նրանց նկատմամբ սեքսուալ բնույթի գործողություններ է կատարել:
Տուժողների հայտարարության համաձայն`հարցուցվել էր քրեական գործ, սակայն կասկածյալը կարողացել էր փախչել:
2007թ. նոյեմբերին նրա նկատմամբ «Ինտերպոլի» միջոցով հայտարարվել էր միջազգային հետախուզում: 2007թ. հոկտեմբերին հայտնի էր դարձել, որ Կամբոջայում ձերբակալվել է Ալեքսանդր Տրոֆիմովը, որն արտաքին նմանություն ունի Մոլոդյակովի հետ: «Տրոֆիմովը» նմանատիպ հանցանքի համար դատապարտվել էր նաև Կամբոջայում ու իր պատիժն էր կրում Պնոմպենի բանտում:
Անցած տարվա դեկտեմբերին նա ազատվեց բանտից ու հունիսի 4-ին Ինտերպոլի ռուսական ծառայության խնդրանքով ձերբակալվեց:
