Խորհրդային լեգենդար ռոք երաժիշրտ, «Կինո» խմբի առաջնորդ Վիկտոր Ցոյն այսօր կդառնար 50 տարեկան: Ամբողջ աշխարհում նրա սիրահարները այսօր նշում են երաժշտի ծննդյան օրը: Ցոյին նվիրված հիմնական միջոցառումները տեղի կունենան Սանկտ Պետերբուրգում, որտեղ ծնվել և ապրել է «վերջին հերոսը»:
Ցոյի ծննդյան կապակցությամբ իր դուդլը փոխել է նաև Google ինտերնետ հսկան: Կայքի գլխավոր էջի դուդլում պատկերված է կիթառ և արևի խավարում՝ «Կինո» և «Ցոյ» գրառումներով:
Ցոյը ծնվել է 1962 թ. հունիսի 21-ին Լենինգրադում: Իր առաջին խումբը՝ Палата №6, նա կազմել է գեղարվեստական դպրոցում:
1981 թ. Ցոյը և Ալեքսեյ Ռիբկինը հիմնում են Гарин и Гиперболоиды խումբը, որը հետո վերանվանվում է Кино:
Ցոյը մահացել է 1990 թ. ավտովթարից: Երաժիշտն, ամենայն հավանականությամբ, քնել էր մեքենայի ղեկին, որը 130 կմ ժամ արագությամբ դուրս էր եկել հանդիպակաց գիծ և բախվել ավտոբուսի:
