Քրդական Fırat լրատվական գործակալության փոխանցմամբ՝ Միջազգային ճգնաժամային խումբը (ICG) հրապարակել է վերջին մեկ տարվա ընթացքում Քրդստանի աշխատավորական կուսակցության (PKK) կողմից սպանված թուրք զինծառայողների թիվը:
ICG-ի՝ Թուրքիայի ու Կիպրոսի գծով ծրագրերի ղեկավար Հյու Փոփը հայտարարել է, որ նախորդ ամառվանից ցայժմ PKK-ի հետ բախումներում զոհվել է ավելի քան 500 մարդ: Նա հավելել է, որ վերջին 12 ամիսներին PKK-ն Թուրքիայում սպանել է 161 զինծառայողի:
Փոփի խոսքերով՝ վերջին 12 ամիսները, 1990-ական թվականներից սկսած, հանդիսանում են ամենարյունալի 12 ամիսները: Այդ 12 ամսում սպանվել է նաև 76 քաղաքացիական անձ և 270 PKK-ական: Դրանով իսկ զոհերի ընդհանուր թիվն անցել է 500-ից:
