Ռուսական «Գազպրոմը» 2012 թ. կմեծացնի գազի արտահանման ծավալները ու արտերկիր կարտահանի ռեկորդային` 222.1 մլրդ խ/մ կապույտ վառելիք:
Ընկերությունում սպասվում է, որ դրանից 40 մլրդ խ/մ-ը բաժին կընկնի Ուկրաինային: Այս մասին այսօր հայտարարել է «Գազպրոմի» նախագահի տեղակալ Ալեքսանդր Մեդվեդևը: Ընդ որում` «Գազպրոմի» արտահանման հասույթը 2012 թ. կարող է հասնել 61 մլրդ դոլարի:
Մեդվեդևը նկատել է, որ 2011–ը ռեկորդային է եղել՝ արտերկիր գազի արտահանման ծավալներով ու դրանից ստացված հասույթով:
«2011 թ. արտահանումը կազմել է 221 մլրդ խ/մ գազ, ինչը ռեկորդային է: 2012 թ. կլինի նոր ռեկորդ` 222 մլրդ խ/մ-ից ոչ պակաս»,- նրա խոսքերը մեջբերում է Interfax-ը:
Թոփ-մենեջերը հավելել է, որ հասույթի առումով 2011 թ. ու 2012 թ. «կլինեն ռեկորդային անգամ ամենահոռետեսական կանխատեսումներով»:
Նա նաև հավելել է, որ «Գազպրոմը» ներկայում Ուկրաինայի հետ բանակցություններ չի վարում գազի գնի վերանայման համար: