Ամերիկյան Դեթրոյթ քաղաքի բնակիչ Ռոնալդ Փեյջը տեխնիկական խափանման արդյունքում կարողացել է Bank of America-ի բանկոմատից դուրս բերել ավելի քան 1,5 մլն դոլար: Փոխանակ դրանով իր երազանքները կյանքի կոչելու, նա մինչև վերջին ցենտը մսխել է խաղատանը: Այս մասին հայտնում է ABC News-ը:
Փեյջի հաշվին եղել է 300 դոլար, սակայն տեխնիկական խոտանի պատճառով ամերիկացին հսկա գումարների մուտք է ստացել: Նորաթուխ միլիոնատիրոջը կարողացել են հայտնաբերել դեպքից կես տարի անց: Այդ ժամանակ նա արդեն հասցրել էր յուրացնել գումարը:
Bank of America-ն սառեցրել է Փեյջի հաշիվն ու նրա դեմ դատական հայց ներկայացրել: Նահանգի օրենքներով՝ ամերիկացուն սպառնում է մինչև 15 տարի ազատազրկում՝ առանձնապես խոշոր չափի գողության համար:
Մասնագետների կարծքով՝ տեխնիկական խափանումը տեղի է ունեցել այն բանից հետո, երբ Bank of America -ն ձեռք է բերել Lasalle բանկը, որի հաճախորդն էլ հանդիսանում է Փեյջը:
