«Սպորտի եւ երիտասարդության անկուսակցական, չկայացած կոալիցիան իրենով մարմնավորող 31-ամյա նախարարը, պարզվում է՝ թանկ մարդ է ԲՀԿ առաջնորդի համար. վերջինս Ծառուկյանի լավ ընկերոջ որդին է»,- գրում է «Հրապարակ»-ը և հավելում.
«Հրաչյա Ռոստոմյանի հայրը «Հազար ու մի մանրուք» խանութի տնօրենն է եղել: Հրաչյային բոլորն անվանում են «ծիծաղկոտ տղա», որովհետև ծիծաղել շատ է սիրում: Նա մասնագիտությամբ ատամնաբույժ է, սակայն գրեթե չի աշխատել: ժամանակին Գ. Ծառուկյանը նրան նշանակել էր Բասկետբոլի ֆեդերացիայի նախագահ, երևի ելնելով նրանից, որ Քոչարյանը բասկետբոլ էր խաղում, որից հետո էլ տարել է ՀԱՕԿ՝ նախարարական վերելքին ընդառաջ»:
