ԵՄ դիվանագիտության ղեկավար Քեթրին Էշթոնը և Իրանի ազգային անվտանգության խորհրդի քարտուղար Սայիդ Ջալիլին երկկողմ հանդիպում են անցկացնում Մոսկվայում: Այս մասին RIA Novosti-ին հայտնել է իրանական պատվիրակության աղբյուրը, որը նաև հավելել է. «Այո, իրականում նման հանդիպում տեղի է ունենում ներկա պահին»։
Այն, որ այժմ Էշթոնը հանդիպում է անցկացնում Ջալիլիի հետ, հաստատել է նաև «Վեցնյակի» ֆրանսիական պատվիրակության ներկայացուցիչը: Դիվանագետի խոսքերով` երկկողմ հանդիպումից հետո Եվրամիության ներկայացուցիչների և Իրանի միջև բանակցությունները կշարունակվեն:
Հիշեցնենք, որ արդեն երկրորդ օրն է, ինչ իրանական միջուկային ծրագրի շուրջ բանակցությունները շարունակվում են Մոսկվայում: Միջազգային միջնորդների կողմից, որպես գլխավոր բանակցող, հանդես է գալիս ԵՄ դիվանագիտության ղեկավար Քեթրին Էշթոնը, իսկ իրանական կողմից` Իրանի ազգային անվտանգության խորհրդի քարտուղար Սայիդ Ջալիլին: Ռուսաստանը ներկայացնում է արտգործախարարի տեղակալ Սերգեյ Ռյաբկովը:
