Հունիսի 29-ին ՆԱՍԴԱՔ ՕԷՄԷՔՍ Արմենիա-ն կազմակերպելու է հայ-վրացական ֆինանսական շուկաների ֆորում, որին մասնակցելու են Հայաստանի և Վրաստանի շուկայի կարգավորողների (ՀՀ ԿԲ-ի և Վրաստանի Ազգային Բանկի), ֆոնդային բորսաների, կենտրոնական դեպոզիտարիաների, բանկերի և ներդրումային ընկերությունների, ինչպես նաև միջազգային կազմակերպությունների ներկայացուցիչները:
ՆԱՍԴԱՔ ՕԷՄԷՔՍ Արմենիա-ի լրատվական ծառայությունից «Առաջին լրատվական»-ին հայտնեցին, որ երկու երկրների շուկաներում ներդրումային ներուժը բացահայտելու համար կարևորվում է տարածաշրջանային համագործակցությունը և փոխադարձ ինտեգրումը ոչ միայն բիզնեսում, այլև ֆինանսական շուկաներում, հաշվի առնելով հատկապես վերջին զարգացումները, մասնավորապես նոր կենսաթոշակային համակարգի ներդրումը Հայաստանում, տարածաշրջանային համագործակցության խնդիրները և այլն:
