Ուկրաինայում Մեծ Բրիտանիայի դեսպան Լի Թերները թրիլեր է գրել ուկրաինացի գործարարների և քաղաքական գործիչների սպանությունների մասին:
«Սա թրիլեր է, որի գործողությունները զարգանում են երեք քաղաքներում` Մոսկվայում, Կիևում և Սևաստոպոլում: Ուկրաինայում Մեծ Բրիտանիայի դեսպանը հետաքննում է ուկրաինացի առանցքային գործարարների և քաղաքական գործիչների սպանությունը և բացահայտում, որ այս ամենի հետևում կանգնած է ավելի սարսափելի դավադրություն, քան ինքը կարող էր պատկերացնել: Ես հույս ունեմ, որ իմ ստեղծագործությունը կհավանեն և’ թրիլերի սիրահարները, և’ նրանք, ովքեր հետաքրքրվում են Ուկրաինայով»,- ասել է Թերները «Փաստեր և մեկնաբանություններ» թերթին տված հարցազրույցում:
Դիվանագետն ասել է, որ գրել է 5 վեպ, որոնցից ոչ մեկը հրատարակված չէ: Ինչպես տեղեկացրել է դեսպանը, դրանցից մեկը գնել են մարդիկ, ովքեր ցանկանում են ֆիլմ նկարահանել վեպի հիման վրա:
Թերները հայտնել է, որ դրա դիմաց նա մեծ գումար է ստացել և այժմ հպարտությամբ կարող է ասել, որ պրոֆեսիոնալ գրող է:
