Չինաստանի կողմից արձակված «Շենչժոու-9» տիեզերանավը, որում երեք տիեզերագնաց կա, պետք է կցվի արդեն ուղեծրում գտնվող լաբորատորային՝ «Տյանգուն-1» մոդուլին: Նրանց համատեղ թռիչքը ուղեծրում հանդիսանում է չինական տիեզերակայան ստեղծելու ծրագրի մի մասը, որը նախատեսված է իրականացնել մինչև 2020 թվականը:
Հրթիռակիր «Չանչժեն-2 Ֆ»-ը, որը պետք է տիեզերանավը ուղեծիր դուրս բերի, մեկնարկել է այսօր Հոբի անապատից՝ Մոսկվայի ժամանակով 14:37-ին: Անձնակազմի անդամների թվում է առաջին չինացի կին տիեզերագնաց Լի Յանգը: Այս մասին տեղեկացնում է Itar Tass-ը:
Տիեզերական հետազոտությունների չինական ծրագրի անդամները կապրեն և կաշխատեն լաբորատորային մոդուլում: Նշանակված է մի շարք բժշկական փորձաքննությունների անցկացում՝ պարզելու կենսառիթմերի փոփոխման հետևանքով տիեզերագնացների ինքնազգացողությունն ու աշխատունակությունը:
«Շենչժոու-9»-ը տիեզերքում կլինի 13 օր: Լաբորատորիային մոդուլի հետ կցումը սկզբում կկատարվի ավտոմատ ռեժիմով: Մի քանի օր անց երկու ապարատները կհեռանան միմյանցից: Կրկնակի կցումը կարվի ոչ ավտոմատ՝ ձեռքի կառավարման ռեժիմով, որպեսզի ստուգվի տիեզերագնացների ունակությունը՝ ձեռնարկել արտակարգ գործողություններ անակնկալ իրավիճակներում:
