Սիրիայի մայրաքաղաք Դամասկոսի արվարձաններում կառավարական զորքերի և ապստամբների միջև բախումների հետևանքով զոհվել է առնվազն 12 մարդ: Այս մասին հաղորդում է Associated Press-ը՝ վկայակոչելով Լոնդոնում տեղակայված «Մարդու իրավունքների պաշտպանության մոնիտորինգի սիրիական կենտրոն» (OSDH) կազմակերպությունը:
Իրավապաշտպանները նշում են, որ առավել շատ մարդ՝ 8 հոգի, զոհվել են Դումա քաղաքում, որը գտնվում է Դամասկոսի կենտրոնից 10 կմ հյուսիս-արևմուտք: Այստեղ գնդակոծությունների հետևանքով բնակելի շենք է փլուզվել:
Արևմտյան ԶԼՄ-ները պարբերաբար հրապարակում են OSDH-ի տվյալները: Մինչդեռ Ռուսաստանի ԱԳՆ-ն խիստ կասկածելի է համարում նրանց տրամադրած տեղեկությունը: Գերատեսչության տվյալներով՝ այնտեղ աշխատում է ընդամենը երկու մարդ՝ ղեկավարը և քարտուղար-թարգմանիչը, իսկ կազմակերպությունը գլխավորող Ռամի Աբդուռահմանը նույնիսկ լիարժեք միջնական կրթություն չունի: