Նվազագույնը 32 մարդ է զոհվել շաբաթ` հունիսի 16-ի գիշերը հնդկական Մահրաշտրա նահանգում տեղի ունեցած վթարի հետևանքով, երբ ուխտավորներով ավտոբուսը ճանապարհի դժվարանցանելի հատվածում դուրս է եկել երթևեկելի գոտուց ու ընկել կիրճը: Ավելի վաղ լրատվամիջոցները հայտնում էին 27 մարդկանց մահվան մասին:
Ինչպես տեղեկացնում է RIA Novosti-ն, ողբերգությունը տեղի է ունեցել Օսմանաբադ քաղաքի մերձակայքում: Վարորդը չի կարողացել կառավարել ավտոմեքենան, որը ընկել է կիրճն ու շրջվել:
ԶԼՄ-ների տեղեկություններով` ևս 20 մարդ ստացել են լուրջ վնասվածքներ, ոմանց վիճակը ծանր է: Իշխանությունները հետաքննում են կատարվածի պատճառները:
