ԱՄՆ ներգաղթածներին պատկանում է 100-ից քիչ աշխատակից ունեցող ընկերությունների 18 %-ը: Այս մասին հայտնում է Հարկային-բյուջետային ինստիտուտի հետազոտության մասին զեկույցը: Համեմատության համար նշենք, որ ամերիկացիների թիվը, որոնք ծնվել են երկրի սահմաններից դուրս, կազմում է ԱՄՆ քաղաքացիների 13 %–ը:
1990 թ. նրանց է պատկանել ամերիկյան բիզնեսի 12 %-ը: Այդ ժամակվանից նման ընկերությունների թիվն աճել է 58 %-ով, ներգաղթյալներին բաժին է հասել այդ ընկերությունների 1/3-ը:
Հետազոտության մեջ ընդգծվում է, որ հաճախ ԱՄՆ-ում փոքր բիզնեսի սեփականատեր են դառնում միջերկրածովյան և մերձավորարևելյան երկրներից ներգաղթածները: Փոքր ընկերությունների 16 %-ը պատկանում է Հունաստանից ներգաղթածներին և միայն մեկ տոկոսն է պատկանում մեքսիկացիներին:
Փոքր բիզնեսի տարբեր ոլորտներում ամենամեծ դերը պատկանում է զվարճանքի վայրերին և հյուրանոցային բիզնեսին: Դրանց է պատկանում մոթելների 43 %-ը, սրճարանների 37 %-ը, բժշկական կաբինետների 26 %-ը, ինչպես նաև տաքսիների, ավտոտեխսպասարկումների և քիմմաքրման մեծ մասը:
