«Առաջին լրատվականը» տեղեկացրել էր, որ Եգիպտոսի քրիստոնյաներն ակտիվ մասնակցություն են ունենում ընդդիմության կազմակերպած ակցիաներին: Եվ սա չնայած այն փաստին, որ Ամանորի տոնական աղոթքի ժամանակ Ալեքսանդրիայի ղպտիական եկեղեցում տեղի էր ունեցել հզոր պայթյուն, որի հետևանքով զոհվել էին տասնյակ մարդիկ: Այս միջադեպից հետո տեղի էին ունեցել բախումներ քրիստոնյաների և մուսուլմանների ու ոստիկանների միջև:
Այդուհանդերձ քրիստոնյաները փետրվարի 4-ին, երբ ընդդիմությունը հայտարարել էր «Հեռացման ուրբաթի» մասին, հետաձգեցին բոլոր եկեղեցական արարողությունները, որոնք սովորաբար տեղի են ունենում ուրբաթ օրը, և «կենդանի շղթա» կազմեցին մուսուլմանների շուրջ, երբ նրանք աղոթում էին: Սա տեղի ունեցավ Ալեքսանդրիայում, իսկ ավելի վաղ քրիստոնյաները նույնն արել էին Թահրիր հրապարակում:
Ղպտիների հոգևոր առաջնորդներն այսօր աղոթք են մատուցելու Թահրիրի կենտրոնում` դրանով հերքելով Թահրիրի ցույցերի և հանրահավաքների իսլամիստական բնույթը:
Տեղեկացնենք նաև, որ ղպտիները կազմում են Եգիպոտսի քրիստոնյա բնակչության մի զգալի մասը:
