Բեվերլի Հիլզում տեղի է ունեցել Women in Film կազմակերպության և Max Mara իտալական տան կողմից 6-րդ անգամ անցկացված Crystal + Lucy Awards մրցանակաբաշխությունը, որը պարգևատրում է կանանց, ովքեր հաջողությունների են հասել կինոասպարեզում և հեռուստատեսությունում:
Մրցանակաբաշխությունն անց է կացվել ընթրիքի տեսքով: Գլխավոր մրցանակակիրներ են դարձել Վիոլա Դեվիսը, Խլոե Մորեցը, Քրիստինա Էփլգեյթը, Բոննի Համերը և Անետ Հելմիկը:
Միջոցառման հյուրերի և մասնակիցների թվում էր նաև Մերիլ Սթրիփը, Ստանա կատիչը, Քոբի Սմալդերսը, Ջենա Դեվոն-Տատումը, Ջեյմի Չանգն ու այլք: Բեվերլի Հիլթոն հյուրանոցում միջոցառման ժամանակ օսկարակիր դերասանուհի Մերիլ Սթրիփը քննարկել է Հոլիվուդում կանանց քիչ ներկայացվածության թեման: Նրա ներկայացրած տվյաներով՝ 14 տարի առաջ, թոփ 250 ֆիլմերում գենդերային բաշխումը հետևյալ տեսքն ուներ՝83% տղամարդիկ և 17% կանայք: Սակայն անցած տարի կանայք փոքր-ինչ բարելավել են իրենց դիրքերը:
2011 թվականին, կրկին 250 ֆիլմի հաշվարկով դերերի 82%-ը բաժանված է տղամարդկանց և 18% -ը կանանց միջև: Սթրիփը օրինակ է բերել մի քանի շահութաբեր ֆիլմեր, որոնցում դերերի մեծ մասը կատարում են կանայք, և մի քանի «տղամարդկանց» ոչ շահութաբեր ֆիլմեր՝ հռետորական հարց ուղղելով դահլիճին. «Կինոստուդիաները չե՞ն ցանկանում գումար աշխատել»:
