Գեղեցկուհի Աննա Չապմանը Թուրքիայի Անթալիա քաղաքում մասնակցել է նորաձևության ցուցադրությանը: Նա կրում էր դիզայներ Հիքմեթ Էրասլանի սև ու կարմիր զգեստը:
New York post-ի փոխանցմամբ` 30-ամյա Չապմանը մասնակցել է ուրբաթ օրը տեղի ունեցած նորաձևության ցուցադրությանը այն բանից հետո, երբ ընկերությունը նվիրատվություն է արել իր հիմնադրամին` նպատակ ունենալով օգնել տեսողության հետ խնդիրներ ունեցող երեխաներին:
Կարմրահեր գեղեցկուհին 2010 թվականի հուլիսին արտաքսվել էր ԱՄՆ-ից. նրան կասկածում էին ռուս սպա լինելու մեջ: Այդ ժամանակվանից ի վեր նա Ռուսաստանում դարձավ չափազանց հայտնի և հայտնվեց բոլոր ամսագրերի շապիկներին:
Չապմանը ռուս 10 լրտեսներից էր, որոնք ձերբակալվել էին ԱՄՆ-ում 2010 թվականի հունիսի 26-ին` Ghost Stories կոչվող հետաքննությունից հետո: Երկու շաբաթ անց նրանց արտաքսել էին: Չապմանը հայտնվեց բոլորի ուշադրության կենտրոնում, երբ նրա մերկ լուսանկարները տեղադրվեցին համացանցում:
