Իրանի ներքին գործերի նախարար Մուստաֆա Նաջարը հայտարարել է, որ իր երկիրը անվտանգության ապահովման պայմանագրեր է կնքելու հարևան բոլոր երկրների հետ, հաղորդում է Trend-ը:
«Այսօր արդեն մենք նման պայմանագրեր ունենք Ադրբեջանի և Օմանի հետ: Այդ նպատակով մոտ ապագայում այցելելու եմ Թուրքմենստան»,- ասել է Նաջարը:
Նախարարի հավաստմամբ, այսպիսի համաձայնագրերը նպաստելու են տարածաշրջանում կայունության ապահովմանն ու բարեկեցության աճին: Նրա խոսքով, Իրանը միշտ շահագրգռված է եղել իր հարևանների հետ քաղաքական, տնտեսական և մշակութային ոլորտներում համագործակցության ընդլայնմամբ:
Իրանի և Ադրբեջանի միջև անվտանգության ապահովման, ահաբեկչության, հանցավորության և թմրանյութերի շրջանառության դեմ պայքարի մասին պայմանագիրը ստորագրվել է 2010թ. մայիսին:
