Грузия Online-ի փոխանցմամբ՝ Սևծովյան տնտեսական համագործակցության հոբելյանական՝ 20-րդ, գագաթաժողովը պետության և կառավարությունների ղեկավարների մակարդակով տեղի է ունենալու հունիսի 26-ին Ստամբուլում: Այս մասին հայտարարել է կազմակերպության շտաբ-բնակարանը:
Գագաթաժողովին մասնակցելու են Հայաստանի, Ալբանիայի, Բուլղարիայի, Հունաստանի, Վրաստանի, Մոլդովայի, Ռուսաստանի, Ռումինիայի, Սերբիայի, Ուկրաինայի, Թուրքիայի ու Ադրբեջանի ներկայացուցիչները: Այս տարվա հունվարից Սևծովյան տնտեսական համագործակցության նախագահությունը ստանձնել է Սերբիան և հուլիսին այն ռոտացիոն համակարգով փոխանցելու է Թուրքիային:
Գագաթաժողովում քննարկվելու են Սևծովյան ավազանի երկրների միջև համագործակցության բարելավումը, ինչը վերաբերում է այնպիսի ոլորտներին, ինչպիսիք են առևտուրն ու տնտեսական զարգացումը, տրանսպորտը, կապը, զբոսաշրջությունը և բնապահպանությունը: Սևծովյան տնտեսական համագործակցություը ներառում է Սև ծովի ու Բալկանյան թերակղզու տարածաշրջանների 12 երկրի: Կազմակերպության շտաբ-բնակարանը գտնվում է Ստամբուլում:
