ԱՄՆ-ում 60-ականների գովազդային բիզնեսի մասին «Խելագարները» սերիալի 5-րդ եթերաշրջանի վերջին մասում ցուցադրվել է սերիալի ոճով պատրաստված գովազդ: Այս մասին հայտնում է The Drum պորտալը: Հոլովակը նախատեսված է Turn ամերիկյան ընկերության գովազդային արշավի մեկնարկի համար: Ընկերությունն ինտերնետ-մարկետինգի և գովազդի համար տրամադրում է «ամպային» ծառայություններ:
Հոլովակում ցուցադրվել է գրասենյակային հագուստով, կրքոտ համբուրվող տղամարդ և կին: Նրանց աշխատասենյակ է ներխուժում մի կին և ատրճանակով կրակում տղամարդուն: Հոլովակի կարգախոսն է «Որոշումը չունի երկրորդ փորձ»: Գովազդում օրինաչափություն է անցկացվում կրակոցի դիպուկ լինելու և Turn-ի գովազդային ծառայությունների թիրախային ճշգրտության միջև:
Հոլովակի ռեժիսորը Մայքլ Լեմանն է, որը նկարահանել է այնպիսի սերիալների դրվագներ, ինչպիսիք են «Պարզապես արյունը» և «Վավաշոտ Կալիֆոռնիան»:
«Խելագարները» (Mad Man) սերիալը թողարկվել է 2007-ին: Այն ունեցել է 5 եթերաշրջան, նախատեսվում են ևս 2-ը: Սերիալն արժանացել է 4 «Էմմի» մրցանակի և իր ազդեցույթունն է թողել ժամանակակից մշակույթի, մասնավորապես՝ 60-ականների նորաձևության վրա:
