Մոսկվայում Ստրաստնի զբոսայգուց սկսվել է «Միլիոնների երթ-2»-ը,- հաղորդում են ռուսական ԶԼՄ-ները:
Կազմակերպիչների գնահատականներով՝ երթը սկսվելու պահին այնտեղ եղել է մինչև 50 հազար մարդ: Ռուսաստանի ՆԳՆ Մոսկվայի հարցերով Գլխավոր վարչության մամուլի ծառայությունից հայտնել են, որ հավաքվածների թիվը 10 հազար է, մինչդեռ «Ձախ ճակատի» համակարգող Սերգեյ Ուդալցովի հաշվարկով՝ մասնակիցների թիվը հասնում է 50 հազարի:
«Դեպի զբոսայգի շտապող մարդկանց մի մասը բացականչում է. «Օրենքի վրայով չքայլել»: Ձախերի շարասյունը վանկարկում է. «կարմիրները քաղաքում են»:
Ձախերի և ազգայնականների շարասյուները առանձնացված են զբոսայգում. ձախերը զբաղեցնում են ձախ կողմը, աջերը՝ աջ: Երթին մասնակցում է «Pussy Riot» շարասյուն», նրա մասնակիցները ձեռքներին ունեն հսկայական ծաղկե դիմակներ: «Ձախ ճակատին» հետևում են բուհերի ուսանողների և դասախոսների խմբերը:
Նախատեսված երթուղու երկայանքով կանգնեցված են մետաղական ցանկապատներ, որոնց մոտ հերթապահում են ոստիկանության աշխատակիցները և «Շտապ օգնութան» բրիգադները:
