Ինչպես տեղեկացրել էինք, երեկ Սիսիանի Մուցք գյուղում հաստատվել էր, որ խոզերը վարակված են աֆրիկյան ժանտախտով։ Այսօր Սյունիքի մարզից մեզ տեղեկացրին, որ աֆրիկյան ժանտախտը տարածվել և հաստատվել է նաև նույն մարզի Բարձրավան գյուղում։ Առայժմ Մուցքում աֆրիկյան ժանտախտով հիվանդ է 22 խոզ, իսկ Բարձրավանում` 5 խոզ։ Մարզի գլխավոր անասնաբույժը, բոլոր գյուղացիները ապահովվել են ախտահանիչներով։ Գյուղում իրականացվում են վարակազերծման համապատասխան միջոցառումներ։