Google կորպորացիան օգտատերերին կնախազգուշացնի իշխանությունների հետ կապ ունեցող հաքերների հնարավոր հաձակումների մասին: Այս մասին ասված է ընկերության բլոգում, որը նվիրված է համացանցի անվտանգության հարցերին:
Այն դեպքում, երբ Google-ը համարի, որ իշխանությունները փորձում են մուտք ստանալ դեպի օգտատիրոջ անձական էջ, ապա կհայտնվի ծանուցում և առաջարկ՝ անցնելու մի էջի, որտեղ հարձակումից պաշպանվելու մասին խորհուրդներ են:
Ծանուցում ստանալուց հետո Google-ի օգտատիրոջը խորհուրդ է տրվում արագ փոխել ծածկագիրը՝ դարձնելով այն բարդ և հուսալի: Պաշտպանվելու ևս մեկ միջոց է բրաուզերի, օպերացիոն համակարգի և փաստաթղթերի խմբագրի թարմացման ներբեռնումը:
Google -ը չի բացահայտում մեխանիզմը, որի օգնությամբ կարողանում է պարզել, թե ով է կանգնած հարձակման հետևում:
