Չինական մեծ պարսպի ընդհանուր երկարությունը 21196 կմ և 18 մետր է: Ինչպես հաղորդում է «Սինխուան»` նման տվյալներ է հայտնել Չինաստանի պետական մշակութային ժառանգության գործակալությունը:
Վերջին տվյալները հիմնվում են հնագիտական պեղումների և չափումների վրա, որոնք վերջին տարիներին անցկացվում են 15 գավառներում, որոնց միջով անցնում է պատը:
Մինչ այդ աշխարհի ամնախոշոր կառույցի երկարության մասին տեղեկություններ չկային: 2008թ.-ին նախնական հետազոտությունը ցույց է տվել, որ Մին դինաստիայի շրջանում կառուցված պատի հատվածները ձգվում են 8550կմ երկարությամբ:
Պատի կառուցումը սկսվել է մինչև մեր թվարկությունը և շարունակվել է դրանից հարյուրավոր տարիներ անց: Դրա հիմնական նպատակը երկրի պաշտպանությունն էր քոչվոր ցեղերի հարձակումներից:
1987թ-ին չինական մեծ պարիսպը ընդգրկվել է ՅՈՒՆԵՍԿՕ-ի համաշխարհային ժառանգության ցուցակի մեջ: Ներկա դրությամբ պահպանվել է պարսպի գրեթե 8%-ը, 74 %-ը խիստ վնասված է, իսկ մնացած մասից միայն հիմքն է մնացել: