Հեռադիտակ «Կեպլերը» հայտնաբերել է Երկիր մոլորակի չափի մոլորակ, որը պտտվում է իր աստղերի տեսանելի գոտում, ինչպես նաև մի համակարգ, որը բաղկացած է լուսարձակից և 6 մոլորակներից: Սրանք են 2009թ.-ի մայիսից սեպտեմբեր ընկած հինգ ամիսների ընթացքում հեռադիտակի միջոցով կատարած հետազոտությունների արդյունքները, որոնք հատուկ հարմարեցված են էկզոմոլորակների` արտաարեգակնային մոլորակների հայտնաբերման համար (էկզոմոլորակ են կոչվում արեգակնային համակարգությունից դուրս գտնվող՝ արտաարեգակնային, մոլորակները, որոնց հայտնագործումը վերջին շրջանում մեծ առաջընթաց ունի): Մանրամասն արդյունքները հրապարակված են Nature ամսագրում, իսկ նրանց կարճ բնութագիրը տրված է NASA-ի կայքում:
Ընդհանուր առմամբ «Կեպլերը» գտել է 1235 օբյեկտ, որոնք չեն գտնվում արեգակնային համակարգում: Նրանցից 68-ի չափերը համեմատելի են Երկրի հետ, իսկ 288-ը դասվում են, այսպես կոչված, սուպերմոլորակներին (այսինքն` մեծ են Երկիր մոլորակից, սակայն չեն գերազանցում արեգակնային համակարգի գազային հսկաներին):
662 մոլորակ իրենց չափերով համեմատելի է Նեպտունի հետ, 165-ը` Յուպիտերի, իսկ հայտնաբերված 19 հսկաները մեծ են այս բոլոր գազային հսկաներից:
Այսպես կոչված, իրենց աստղերի տեսանելիության գոտում պտտվող մոլորակներից են «Կեպլերի» հայտնաբերածներից 54-ը:
Տեսանելիության գոտի են անվանում լուսարձակից այն հեռավորությունը, որի մոլորակների վրա կարող է առկա լինել ջուր` երկրային կյանքի առաջացման համար անհրաժեշտ տարր: Այս մոլորակներից 5-ը համեմատելի են Երկիր մոլորակի հետ, այսինքն` դրանք ամենահարմար թեկնածուներն են այնտեղ կենդանի էակներ որոնելու համար:
Հեռադիտակը հայտնաբերել է ևս մի հետաքրքիր մոլորակ, որը նման է արևին. այն անվանել են «Կեպլեր-11»: Մոլորակի շուրջ պտտվում են 6 մոլորակներ: Սա հայտնի մոլորակային համակարգերից ամենամեծն է (չհաշված արեգակնային համակարգը):
