«Ես ներկայացնում եմ ոչ միայն Հայաստանը և հանդես գալիս որպես ՀՖՖ նախագահ, այլ նաև ներկայացնում եմ ՈՒԵՖԱ-ն և ՖԻՖԱ-ն։ Եվ երբ գրում են, որ Հայրապետյան Ռուբենը թմրաբիզնեսով ա զբաղվում, զենքի առևտրով ա զբաղվում, դա խփում ա նաև մեր երկրի իմիջի վրա։ Ես տարբեր բանակցությունների մեջ եմ մեր ֆուտբոլի զարգացման և ապագայի հետ կապված խնդիրներով՝ սկսած ֆինանսականից, վերջացրած ֆուտբոլային քաղաքականությամբ։
Ի վերջո, ո՞վ կնստի, կբանակցի մի մարդու հետ, ով նարկոտրաֆիկով ա զբաղվում, ո՞վ լուրջ պայմանագիր կստորագրի մի մարդու հետ, ով խաղ ա վաճառում»,- այս մասին այսօր հրավիրված մամուլի ասուլիսի ընթացքում դժգոհեց ՀՖՖ նախագահ Ռուբեն Հայրապետյանը:
Նա հեռվից գալով հասավ նրան, որ իր անհաջողությունները բարդի մամուլի վրա: Ավելին, նրա խոսքերով, հայկական ֆուտբոլին վերաբերող ցանկացած հոդված հայտնվում է ՈՒԵՖԱ-ի և ՖԻՖԱ-ի ուշադրության կենտրոնում, և այդ կառույցները սկսում են ծառայողական քննություն իրականացնել։
«Նման վարկաբեկող հոդվածները անվանարկում են ոչ միայն ինձ` որպես ՀՖՖ նախագահի, այլ նաև երկիրը»,- ավելացրեց Ռուբեն Հայրապետյանը։