Apple-ը պլանշետների և սմարթֆոնների շուկայում առաջատար է iPhone-ի և iPad-ի շնորհիվ, բայց Netflix պաշտոնապես առաջ է անցել Apple-ից օնլայն տեսանյութերի ոլորտում:
CNNMoney-ն հաղորդում է, որ Netflix-ը շուկայում առաջինն է եկամուտաբերության շնորհիվ, քանի որ այն առավել մեծ ժողովրդականություն է վայելում` հասանելի լինելով այնպիսի վայրերում, որտեղ դեռևս բացակայում է Apple-ը:
IHS iSuppli հետազոտական ընկերությունը զեկույցը հրապարակել է ուրբաթ օրը: Հետազոտության ղեկավար Դեն Քրայանն ասում է, որ 2011թ. տեղի է ունեցել անցում DVD-ներից ավելի շատ հեռուստատեսային նման ծառայությունների գրանցումներին:
