Հետազոտությունները ցույց են տվել, որ տարեց տղամարդկանց (բացի ինդոնեզացիներից) գաղտնաբառերն ավելի անվտանգ են, քան երիտասարդներինը: Ինտերնետից օգտվող 55 տարեկան մարդիկ կրկնակի ապահով գաղտնաբառեր են ընտրում, քան 25-ից ցածր երիտասարդները: Այս առումով տարեցների թվում առավելություն ունեն գերմանացիներն ու կորեացիները:
Yahoo!-ի 70 միլիոն գաղտնաբառերի ուսումնասիրության արդյունքում Քեմբրիջի համալսարանի գիտնական Ժոզեֆ Բոնեոն բացահայտել է, որ գաղտնաբառերի հուսալիությունը կամ անհուսալիությունը կարող է կապված լինել օգտատիրոջ օնլայն գործունեության, ինչպես նաև՝ դեմոգրաֆիայի հետ:
«Ամենաուժեղ» գաղտնաբառերը հանդիպել են նաև այն օգտատերերի մոտ, ովքեր ակտիվորեն փոխում են դրանք, և դա արել են արդեն առնվազն 5 անգամ: