NASA-ի տիեզերական գործակալության SDO արեգակնային աստղադիտարանն արևի սկավառակի վրա «տեսել» է երկարոտն թռչունի պատկեր, որը նման է ջայլամի: Արտասովոր նկարը հայտնվել է աստղադիտարանի տվյալների բազայում՝ ուրբաթ օրը:
Մշուշոտ ուրվապատկերը, որի գլխին աքաղաղի կատար է նկատվում, հայտնաբերվել է արևի սկավառակի ձախ կողմում և հիանալի կերպով երևում է Atmospheric Imaging Assembly սարքով արված նկարում: Մասնագետները հայտնել են, որ այն նման է «Սեզամ փողոց» մանկական սերիալի հերոսուհուն` Մեծ թռչունին:
Այս արտասովոր երևույթն իրականում պսակաձև անցք է, որը ինչպես երևում է, վառ արտահայտված և շատ մեծ է: Նման կարծիք է հայտնել Լեբեդևի անվան Արեգակնային աստղագիտության ֆիզիկական ինստիտուտի ռենտգենյան լաբորատորիայի գիտաշխատող Սերգեյ Բոգաչովը:
Նա հիշեցրել է, որ պսակաձև անցքերը հանդիսանում են արեգակնային ուժգին քամիների սկզբնաղբյուր: Եթե քամու հոսանքի տակ հայտնվի Երկիրը, ապա մեր մոլորակի մագնիսական դաշտում հուզումներ կսկսվեն, որը կարող է հանգեցնել մագնիսական փոթորկի:
Պրոֆեսորի խոսքերով` մի քանի օրից թռչունը կարող է հայտնվել արևի սկավառակի կենտրոնական մասում և Երկրի վրա մագնիսական փոթորիկ առաջացնել:
Մեկ շաբաթ անց թռչունը կանցնի արևի մյուս կողմը, սակայն մեկ ամիս անց կվերադառնա: «Կտեսնենք, թե ինչպես է այն պահպանվել»,-եզրափակել է պրոֆեսորը: