Փետրվարի 2-ին լույս կտեսնի The Daily հրատարակչության առաջին համարը` աշխարհի առաջին թերթը, որը ստեղծվել է հատուկ Apple iPad պլանշետային համակարգչի համար: Թե ինչով է հրատարակությունը տարբերվելու մյուսներից՝ պարզել է Vesti-FM-ի լրագրողը:
iPad պլանշետային համակարգչի թողարկումը հաջողութամբ համընկել է Ռուպերտ Մերդոքի News Corp մեդիա հոլդինգի պլաններին, որը վաղուց է սկսել զբաղվել այս աշխատանքով: Հերթական քայլը եղավ iPad-ի համար էքսկլուզիվ թերթ ստեղծելու գաղափարը:
Մասնագետների կարծիքներն այս գաղափարի մասին տարբերվում են: Mobile Research Group-ի առաջատար վերլուծաբան Էլդար Մուրտազինը կարծում է, որ iPad-ի օգտագործողները մինչև այս թերթի դուրս գալն էլ տեղեկատվություն ստանալու խնդիր չունեին:
«Հիմա iPad- համար գոյություն ունի թղթի թերթի թվայնացված տարբերակները, որոնք ամեն օր նորացվում են: Այստեղ գոյություն ունի նաև գնահատելու և կարծիք հայտնելու հնարավորություն: Փաստորեն, սա նոր սերնդի թերթ է: Այնքան էլ պարզ չէ, թե ինչո՞ւ է Ռուպերտ Մերդոքն այն անվանում iPad-ի նոր թերթ: Ինձ թվում է, որ սա լինելու է հերթական թերթը»:
Այնուամենայնիվ, թերթը դուրս կգա և կկրի The Daily-ի անվանումը, որը տարածվելու է բաժանորդագրության միջոցով` շաբաթական 99 ցենտով: Թերթով զբաղվելու են ավելի քան 100 լրագրող:
Ներդրումներն այս ծրագրի մեջ, որոշ գանահատականներով, կազմում են 30 մլն դոլար: Ծախսերը շատ շուտ կհատուցվեն՝ վստահ են մասնագետները: Այսպիսի փորձ նրանք արդեն ունեն: Այսպես, օրինակ, iPad-ում USA Today-ի տեղադրումը թերթին 5 անգամ ավելի շատ օգուտ է բերել, քան կայքի գովազդը, և երկու անգամ ավելի՝ քան տպագրվող թերթում գովազդը: