WikiLeaks կայքը հայտնվել է Նոբելյան մրցանակի հավակնորդների շարքում: Կայքն առաջադրվել է Նորվեգիայի նահանգներից մեկի խորհրդարանի անդամ Սեր-Տրենդելագ Սնորե Վալենի կողմից: Այդ մասին նա գրել է իր բլոգում:
Վալենն իր որոշումը բացատրում է նրանով, որ WikiLeaks-ը, տպագրելով նյութեր կոռուպցիայի, ռազմական հանցագործությունների և խոշտանգումների մասին, մեծ դեր է խաղացել մարդու իրավունքների պաշտպանության հարցում:
Մասնավորապես նա նշել է Թունիսի կոռուպցիոն նյութերի մասին, որոնց հրապարակումն օգնեց իշխանությունից հեռացնել տասնյակ տարիների կյանք ունեցող բռնատիրական ռեժիմին:
Միևնույն ժամանակ պատգամավորը երեսպաշտության մեջ է մեղադրել այն երկրներին, որոնք «պայքարում էին» խոսքի ազատության համար, սակայն նյութերի հրապարակումներից հետո սկսեցին մեղադրել WikiԼeaks-ին ազգային անվտանգությանը սպառնալու մեջ:
Նրա խոսքերով, նման կերպ վարվելով` նրանք ոչ միայն չեն պաշտպանում ժողովրդավարական արժեքները, այլև հանդես են գալիս հակառակն անելու կոչերով:
«Չպետք է լինի այնպես, որ քաղաքական գործիչները որոշեն, թե հանցագործությունների մասին որ տեղեկությունները պետք է հրապարակվեն, որոնք` ոչ, և ինչ ուղիներով տարածել դրանք»,- գրում է Վալենը:
Հրապարակմանը դեմ է հանդես եկել մասնավորապես ԱՄՆ-ն:
Նոբելյան մրցանակի առաջադրման օրը կլրանա փետրվարի 3-ին: Առաջադրելու իրավունք ունեն խորհրդարանների անդամներն ու տարբեր պետությունների կառավարությունները, անցյալ տարիների Նոբելյան մրցանակակիրը, Հաագայի միջազգային արբիտրաժային դատարանը, ինչպես նաև քաղաքագիտության, իրավագիտության, պատմության և փիլիսոփայության դոկտորները:
Տեղեկությունն ըստ lenta.ru-ի:
