ԵԱՀԿ ներկայիս ղեկավար, Լիտվայի արտգործնախարար Աուդրոնյուս Աժուբալիսը պաշտոնական այցով ժամանել է Մոսկվա, որտեղ հանդիպումներ է ունենում ՌԴ իշխանությունների հետ:
ՌԴ արտգործնախարար Սերգեյ Լավրովի հետ հանդիպման ժամանակ անդրադարձ է եղել նաև ԵԱՀԿ տարածքում սառեցված հակամարտությունների կարգավորման գործընթացներին:
«Մենք աջակցում ենք Լեռնային Ղարաբաղի հակամարտության կարգավորմանը ներգրավված Մինսկի խմբի ջանքերին և ձգտելու ենք կողմերի միջև վստահության մթնոլորտ ձևավորել: Այս կոնտեքստում մենք աջակցում ենք կարգավորման գործընթացում առաջընթաց ապահովելու Ռուսաստանի ջանքերին», – ասել է Աժուբալիսը:
Իր հերթին Սերգեյ Լավրովն ընդգծել է. «Հարկավոր է հաշվի առնել հակամարտության խաղաղ կարգավորման անհրաժեշտությունը, կողմերի դիրքորոշումները և բացառել հակամարտության գոտում մարդասիրական խնդիրների առաջացումը»,- տեղեկացնում է 1news.az-ը:
