16-ամյա Սթոլքեր Սառային աշխարհը սկսել է ճանաչել նրա ֆոտոալբոմով, որտեղ նրա և 5000 աշխարհահռչակ աստղերի լուսանկարներն են: Այս մասին գրում է Daily Mail -ը:
Լոս Անջելեսի բնակչուհու հավաքածուում ընդգրկված են Քիմ Քարդաշյանը, Անջելինս Ջոլին, Բրեդ Փիթը, Ջասթին Բիբերը և այլք: Դեռահասը դարձել է կարմիր գորգերի հայտնությունը: Շատ աստղեր արդեն նրան ճանաչում են:
Նա լուսանկարները տեղադրել է Flickr –ում և Twitter-ում, ամեն օր նրա լուսանկարների հավաքածուն թարմանում է:
Սառան Good Morning America –ին պատմել է, թե ինչպես է իր արտասովոր հոբբին սկսել 4 տարի առաջ, երբ դեռ 12 տարեկան էր: Մի անգամ հայրիկի հետ զբոսնում էր, երբ նկատեց սիրելի դերասաններից մեկին՝ Ռոբերտ Հեյլզին: Հայրիկի մոտ տեսախցիկ է եղել և աղջիկը սկսել է նկարել նրան: Այդ օրվանից որոշել է լուսանկարվել բոլոր հայտնի մարդկանց հետ: Այդ գործում նրան օգնում է հայրիկը, աղջկան տանում է բոլոր միջոցառումներին:
Բացահայտելով գաղտնիքը՝ Սառան հայտնել է, որ աստղին մոտենալու համար պետք է որսալ հարմար առիթը և ագրեսիվ վարք չդրսևորել: Աղջիկը ցանկանում է լուսանկարվել Բրիթնի Սփիրսի հետ, սակայն դեռևս հարմար պահ չի գտել: