Բոլորովին վերջերս ամուսնացած Facebook սոցցանցի հիմնադիր Մարկ Ցուկերբերգն ու նրա երիտասարդ կինը` Պրիսցիլլա Չանը, որոնք հարսանեկան արարողությունից անմիջապես հետո անհետացել էին լրագրողների տեսադաշտից, հայտնվել են Հռոմի կենտրոնում գտնվող հյուրանոցներից մեկում: Հենց այդտեղ են նորապսակները որոշել անցկացնել իրենց մեղրամիսը, գրում է The Daily Mail պարբերականը:
Ենթադրաբար, ամուսիններն Իտալիա են ժամանել մասնավոր ինքնաթիռով: Հայտնի չէ, թե ինչու են նորապսակները Հռոմն ընտրել մեղրամսի համար:
Նրանք նախապատվությունը տվել են Հռոմի պատմական վայրերով ակտիվ զբոսաշրջային ծրագրերին:
Մուլտիմիլիարդատիրոջն ու նրա կնոջը տեսել են Սիքստինյան Կապելլայի մոտ. Նրանք ուշադիր լսել են գիդին, որը պատմել է Միքելանջելոյի որմնանկարների 500-ամյա պատմությունը, նրանց տեսել են նաև Հռոմի կոլիզեում, ապա Իսպանական աստիճաններով զբոսնելիս: Նրանց տեսել են նաև փոքրիկ Nonna Betta ռեստորանում:
«Նրանք սիրահարված տեսք ունեին. արտիշոկով ու ռավիոլլիներով մեկ ափսեն կերել են երկու հոգով: Դա շատ ռոմանտիկ տեսարան էր»,- ասել է ռեստորանի տերը և ցուցադրել նրանց հաշիվը` 32 եվրո:
Մինչ այդ, Ցուկերբերգի կնոջ ընկերները պնդում են, որ նրանց մեղրամիսն այնքան էլ հարթ չի ընթացել: Միսիս Ցուկերբերգը գանգատվում է, որ ամուսնուն ոչինչ չի հետաքրքրում, նա ժամերով խոսում է ինչ-որ մեկի հետ BlackBerry-+ով ու իր վրա ուշադրություն չի դարձնում:
«Ես փորձում եմ ընբռնումով վերաբերվել նրան, որ նա խնդիրներ ունի: Վշտացնում է այն, որ բացի գործնական հարցերի լուծումից նա մշտապես շփվում է մեծ թվով ընկերների հետ»,- ասել է Պրիսցիլլան:
Հիշեցնենք, որ աշխարհի խոշորագույն սոցիալական ցանցի հիմնադիր և ընկերության տնօրենների խորհրդի ղեկավար 28-ամյա միլիարդատեր Մարկ Ցուկերբերգը մայիսի 19-ին ամուսնացել է իր վաղեմի ընկերուհու՝ Պրիսցիլլա Չանի հետ: Հարսանիքը տեղի է ունեցել նրանց տան բակում:
