Իրանական IRINN հեռուստաալիքի փոխանցմամբ՝ Ալի Լարիջանին այսօր վերընտրվել է Իրանի խորհրդարանի ժամանակավոր նախագահի պաշտոնում: Խորհրդարանի նախագահի ընտրությանը 290 պատգամավորներից մասնակցել են 275-ը: Նրանցից 175-ը քվեարկել են Լարիջանիի օգտին, իսկ մնացյալ 100-ը՝ խորհրդարանի նախկին նախագահ Ղուլամ Ալիի օգտին:
Իրանում խորհրդարանի նախագահին ընտրում են ամեն տարի: Որպեսզի խորհրդարանի ժամանակավոր նախագահը դառնա մշտական նախագահ, նրա թեկնածությունը պետք է հավանության արժանանա բոլոր պատգամավորների կողմից: Լարիջանին 4 տարի շարունակ եղել է Իրանի 8-րդ գումարման խորհրդարանի նախագահ:
Իրանի նորընտիր՝ 9-րդ գումարման խորհրդարանի առաջին նիստը տեղի է ունեցել երեկ: Դրան ներկա են գտնվել նախագահ Մահմուդ Ահմադինեժադը, բարձրաստիճան զինվորականները, վերահսկիչ տարբեր մարմինների ղեկավարներ և օտար երկրների դեսպաններ:
Հիշեցնենք, որ Իրանում խորհրդարանական ընտրությունների առաջին փուլը տեղի է ունեցել մարտի սկզբին, իսկ երկրորդ փուլը՝ մայիսի սկզբին:
