Մեծ Բրիտանիայի թագուհի Էլիզաբեթ II-ի գահակալության ադամանդե հոբելյանի առիթով ստեղծվել է թագուհու նոր մոմե արձան: Այս մասին հաղորդում է Euromag-ը:
Միապետի մոմե արձանը տեղադրվել է Լոնդոնում` Մադամ Տյուսոյի թանգարանում, փոխարինելով 2001 թ. ստեղծված օրինակին:
Այժմ Էլիզաբեթ II-ը թանգարանում կանգնած է սպիտակ մետաքսե զգեստով, որը զարդարված է 53 հազար Swarovski բյուրեղներով: Թագուհու գլխին թագ կա, իսկ պարանոցին` ադամանդե վզնոց, որը պատրաստվել է 1820 թվականին:
Միապետի նոր մոմե արձանը կերտել է քանդակագործ Ստիվ Սվեյսլը: Թագուհին ներկա չի եղել իր արձանի պատրաստման աշխատանքներին, Բուքինհեմյան պալատը քանդակագործին է ուղարկել չափումները և նոր արձանի կերտման թագավորական վկայագիրը: