Երկրաշարժերին եւ ցունամիներին Ինդոնեզիայում հաջորդեց Մերապի հրաբուխի ժայթքումը, որի արդյունքում, արդեն հայտնի է, մահացել է 25 մարդ: ժայթքումին հետեւել է մոխրի եւ լավայի հզոր հոսք: Մեծ մասը վառվել է երկնքից թափված կրակի կտորների պատճառով: Բոլոր տուժածների մոտ նկատվում է մարմնի մակերեսի մինչը 80% այրվածք: Մերապին ինդոնեզերենից թարգմանվում է որպես կրակի սար: Ընդ որում` սարը գտնվում է Ճավա կղզու ամենաշատ բնակեցված շրջանում: Մասնագետների կարծիքով, երկրաշարժերն ու հրաբխի ժայթքումը մի շղթայի հետեւանք են` ընդերքում տեղի են ունենում ակտիվ տեկտոնական պրոցեսներ: Միանգամից 16 զոհ է եղել 73-ամյա Սուկարտո Հարգոյի ընտանիքում, որը Ճավա կղզում հայտնի է որպես Մերապի սարի «բանալիների պահապան»: Նրա տունը գտնվում է սարից մի քանի կիլոմետր հեռավորության վրա: Նա հրաժարվել էր հեռանալ վտանգավոր գոտուց:
